கைக்குழந்தைகளுக்கான செயல்பாடுகள்

கற்றலுக்கான அடித்தளம் மிகச் சிறு வயதிலேயே தொடங்குகிறது.

• முதல் விஷயம்: குழந்தைக்குச் செயல்பாடு மகிழ்ச்சி தர வேண்டும்.
• இரண்டாவது: செயல்பாடு வயதுக்கு ஏற்றதாக இருக்க வேண்டும், குழந்தையும் பங்கேற்க வேண்டும்.
• மூன்றாவது: குழந்தை தான் நம்பும் பெரியவர்களிடமிருந்து கற்கிறது, உதா அம்மா அப்பா, தாத்தா பாட்டி.
• செயல்பாடுகள் குழந்தையின் சில அல்லது பல புலன்களைத் தூண்ட வேண்டும்.

4 மாதம் முதல் சுமார் ஒரு வயது வரையுள்ள குழந்தைகளுக்குச் சில எளிய செயல்பாடுகளைத் தெரிந்துகொள்வோம்.

சிறு குழந்தைகளுக்குப் பொருட்களைத் தட்டுவது மிகவும் பிடிக்கும் என்று பார்த்திருக்கிறீர்களா, உதா கரண்டி, கிலுகிலுப்பை அல்லது மரக்குச்சி?

குழந்தைக்கு மரக்கரண்டி அல்லது வண்ணக் குச்சியைக் கொடுங்கள், தரை, மேஜை போன்ற வெவ்வேறு இடங்களில் தட்டட்டும். இரண்டு கரண்டிகளையோ குச்சிகளையோ ஒன்றோடொன்று தட்டட்டும்.

சொல்லுங்கள் "குச்சி டம் டம், கரண்டி டம் டம்"

நீங்கள் சொன்னதும் குழந்தை அப்படிச் செய்தால், இசையான குரலில் சொல்லுங்கள் "ஆஹா! சபாஷ்"

குழந்தைகளுக்குச் சமையலறைப் பாத்திரங்களுடன் விளையாடுவது மிகவும் பிடிக்கும் என்று கவனித்திருக்கிறீர்களா? அவர்களுக்குப் பிடித்தவை பாத்திரங்கள், வாணலி, கரண்டிகள். இந்த வாய்ப்பில் கிளறுவதைக் காட்டி, உங்களைப் பின்பற்ற விடுங்கள், இதனால் கை-கண் ஒருங்கிணைப்பு வளரும்.

கோப்பையில் குடிப்பது போல நடித்து "யம் யம்" என்று சொல்லலாம். பிறகு கோப்பையைக் குழந்தையின் வாயருகே பிடித்து அதையே செய்யுங்கள்.

நீங்கள் உட்கார்ந்திருக்கும் இடத்தைப் பொறுத்துக் கோப்பையைத் தரையிலோ மேஜையிலோ வையுங்கள், குழந்தை அதைச் செய்து தானே விளையாடுகிறதா என்று பாருங்கள்.

குழந்தையின் பேச்சு, மொழித் திறன்களை வளர்க்கத் தொடங்கும் நேரம் இது.

தரையிலோ நாற்காலியிலோ உட்கார்ந்து, குழந்தையை எதிரே வையுங்கள். பந்து, பொம்மை, சில பிளாக்குகள் போன்ற பொதுவான பொம்மைகளை வையுங்கள். அவற்றில் ஒன்றை எடுத்து, பந்தை எடுத்தால் "பந்து" என்று சொல்லுங்கள்.

மற்ற பொம்மைகளுக்கும் இப்படியே செய்யுங்கள்.

சில முறைக்குப் பிறகு குழந்தையிடம் பந்தை, பிறகு பொம்மையையும் பிளாக்கையும் எடுக்கச் சொல்லுங்கள்.

வரிசையை மாற்றி மாற்றிப் பல முறை விளையாடுங்கள், ஒவ்வொரு முறை சரியாகச் செய்யும்போதும் மகிழ்ச்சியாக ஊக்கப்படுத்துங்கள்.

வண்ணமும் அசைவும் குழந்தைகளுக்கு மிகவும் பிடிக்கும். குழந்தை நடக்கத் தொடங்கும்போதோ, தரையில் உட்கார்ந்திருக்கும்போதோ இதை விளையாடலாம்.

சில வண்ண துப்பட்டாக்கள், கைக்குட்டைகள் அல்லது ஜார்ஜெட், ஷிஃபான், மல் போன்ற வண்ணத் துணித் துண்டுகளை எடுத்துக் காற்றில் வீசி "பிடி" என்று சொல்லுங்கள்.

பலூன்களை வீசுவதும் குமிழிகள் ஊதுவதும் குழந்தைகளுக்கு மிகவும் உற்சாகம். பலூனுடன் எப்போதும் உங்கள் கண்காணிப்பில் மட்டுமே விளையாட விடுங்கள், உடைந்த பலூன் துண்டுகளை உடனே அகற்றுங்கள்.

இந்த வயதில் குழந்தைகளுக்குக் குதிக்க வைப்பதும் கிச்சுக்கிச்சு மூட்டுவதும் பிடிக்கும்.

டயப்பர் மாற்றும்போது கிச்சுக்கிச்சு மூட்டுவதும் குளிப்பதற்கு முன் மென்மையாக எண்ணெய் தேய்ப்பதும் வேடிக்கையானவை.

குழந்தையை உங்கள் கால்களில் உட்கார வைத்துக் குதிரைச் சவாரி செய்வது போல நடியுங்கள்.

சொல்லுங்கள் "ஓடு குதிரை ஓடு, டிக் டிக் டிக்"

இந்தியில் "சல் மேரே கோடே டிக் டிக் டிக்" என்று பாடலாம்.

தமிழில்:
தென்னை மரத்துல ஏறாதே
தேங்காயைப் பறிக்காதே
மா மரத்துல ஏறாதே
மாங்காயைப் பறிக்காதே

இப்படியே உங்கள் மொழியிலும் ஒரு பாட்டை உருவாக்கலாம்.

சிறு குழந்தைகளுக்கு ஒரு பாத்திரத்தில் பொருட்களைப் போடுவதும் எடுப்பதும் மிகவும் பிடிக்கும். குழந்தை பொருட்களைப் போட்டு எடுக்கும் அளவு பெரிய வாய் உள்ள பிளாஸ்டிக் பாட்டிலை எடுங்கள்.

ஒரு பந்தையோ துணி கிளிப்புகளையோ எடுத்து, பாத்திரத்தில் போடக் குழந்தைக்கு உதவுங்கள். வெளியே எடுத்து மீண்டும் செய்யச் சொல்லுங்கள். குழந்தை மீண்டும் செய்து தானாகவே செய்யும்போது மகிழ்ச்சியாகப் பாராட்டுங்கள். நினைவில் வையுங்கள், எல்லாப் பொருட்களும் குழந்தை விழுங்க முடியாத அளவு பெரிதாக இருக்கட்டும், விளையாட்டு எப்போதும் உங்கள் கண்காணிப்பில் இருக்கட்டும்.

கம்பளி, பஞ்சு உருண்டைகள், சொரசொரப்பான பளிங்குக் கற்கள் (வாய்க்குள் போகாத அளவு பெரியவை) போன்ற வெவ்வேறு மேற்பரப்புள்ள பொருட்களைத் தொட விடுங்கள், மென்மை, கடினம், வழுவழுப்பு என்று சொல்லுங்கள்.

சில்வர் ஃபாயில், செய்தித்தாள், டிஷ்யூ பேப்பர் போன்ற வெவ்வேறு காகிதங்களைக் கசக்கக் கொடுங்கள். பிறகு அவற்றைக் காகிதப் பையில் போடச் சொல்லுங்கள், "சபாஷ்" போன்ற ஊக்கச் சொற்களைச் சொல்லுங்கள்.

பொருட்களை விடக் கற்றுக்கொடுப்பதும் முக்கியச் செயல்பாடு. குழந்தைக்கு ஒரு பிளாக்கைக் கொடுங்கள், எடுக்காவிட்டால் கையில் வையுங்கள். மற்றொரு கையில் இன்னொரு பிளாக்கைக் கொடுங்கள். பிறகு மூன்றாவது பிளாக்கைக் கொடுத்து, மூன்றாவதை எடுக்கக் குழந்தை ஒன்றை விடுகிறதா என்று பாருங்கள். இப்படிப் பல முறை செய்யுங்கள்.

சிக்கல் தீர்க்கும் செயல்பாடுகளைக் கற்றுக்கொடுங்கள், உதா ஒன்றன் மேல் ஒன்று அடுக்குதல், வளையங்கள் போடுதல், பொம்மையை இழுத்துச் செல்லுதல்.

தன் பிஸ்கட்டையோ தின்பண்டத்தையோ எடுக்கப் பெட்டியைத் திறக்கக் குழந்தையை ஊக்கப்படுத்துங்கள்.

இறுதியாக, உங்கள் தாய்மொழியிலும், குழந்தைக்கு ஆங்கிலம் பழக வேண்டுமென்றால் ஆங்கிலத்திலும், அபிநயப் பாடல்களைப் பாடுங்கள். இதனால் கேட்டல், சொற்கள், பின்பற்றுதல், பிணைப்பு வளரும்.

வாழ்க்கையின் முதல் வருடம் மூளை மிக அதிகமாக வளரும் காலம். வரும் வருடங்களுக்கு வலுவான அடித்தளம் அமைக்கும் இந்த வாய்ப்பைத் தவறவிடாதீர்கள்.