6 மாதத்துக்கு முன் திட உணவு வேண்டாம் - உணவு வழிகாட்டி

குழந்தைக்கான உணவு வழிகாட்டி

மருத்துவர் சொன்னால் தவிர, குழந்தைக்கு 6 மாதம் ஆகும் வரை திட உணவு கொடுக்காதீர்கள். காரணங்கள்:

• தாய்ப்பால் அல்லது ஃபார்முலா பால் குழந்தை வளரத் தேவையான எல்லாச் சத்தையும் தருகிறது.
• தண்ணீர், டீ, குளுக்கோஸ் தண்ணீர் அல்லது வேறு எதையாவது கொடுத்தால் குழந்தைக்குத் தொற்று ஆபத்து கூடும்.
• வெயில் காலத்திலும் குழந்தைக்குத் தனியாகத் தண்ணீர் தேவையில்லை. தாய்ப்பாலிலேயே தேவையான தண்ணீர் கிடைக்கும்.
• ஸ்பூனில் திட உணவு சாப்பிடக் குழந்தையின் உடல் இன்னும் தயாராகவில்லை.
• மிக முன்னதாகத் திட உணவு கொடுத்தால் உணவு ஒவ்வாமை ஆபத்து கூடும்.
• மிக முன்னதாகத் திட உணவு கொடுத்தால் குழந்தை அதிகமாகச் சாப்பிட்டு எடை கூடலாம்.
• திட உணவு கொடுப்பதால் குழந்தை இரவு முழுவதும் அதிகமாகத் தூங்காது.

குழந்தை திட உணவுக்குத் தயார் என்று எப்படி அறிவது?

• பிடித்துக்கொண்டால் நேராக உட்கார முடிகிறது
• ஸ்பூன் வருவதைப் பார்த்து வாயைத் திறக்கிறது
• ஸ்பூனிலிருந்து உணவை எடுத்து விழுங்குகிறது, வெளியே தள்ளுவதில்லை
• மெல்லுவது போல வாயை அசைக்கிறது
• விழுங்கக் கற்றதும் உமிழ்நீர் வடிவது குறைகிறது
• பிறந்த எடையைவிட இரண்டு மடங்கு எடை ஆகிவிட்டது (பொதுவாக 6 மாதத்தில்)
• வேண்டாம் என்றால் உணவை மறுக்க முடிகிறது

டாக்டர் சித்ரா சங்கர், வளர்ச்சிக் குழந்தை நல மருத்துவர்