6 నెలల ముందు ఘన ఆహారం వద్దు - ఆహార గైడ్

బిడ్డ ఆహార గైడ్

డాక్టర్ చెబితే తప్ప, బిడ్డకు 6 నెలలు వచ్చే వరకు ఘన ఆహారం ఇవ్వకండి. కారణాలు:

• తల్లిపాలు లేదా ఫార్ములా పాలు బిడ్డ ఎదగడానికి కావాల్సిన పోషణ అంతా ఇస్తాయి.
• నీళ్లు, టీ, గ్లూకోజ్ నీళ్లు లేదా ఇంకేదైనా తాగిస్తే బిడ్డకు ఇన్ఫెక్షన్ ప్రమాదం పెరుగుతుంది.
• ఎండాకాలంలో కూడా బిడ్డకు వేరే నీళ్లు అక్కర్లేదు. తల్లిపాల నుంచే కావాల్సిన నీళ్లు అందుతాయి.
• చెంచాతో ఘన ఆహారం తినడానికి బిడ్డ శరీరం ఇంకా సిద్ధంగా లేదు.
• చాలా తొందరగా ఘన ఆహారం ఇస్తే ఆహార అలర్జీ ప్రమాదం పెరుగుతుంది.
• చాలా తొందరగా ఘన ఆహారం ఇస్తే బిడ్డ ఎక్కువగా తిని బరువు ఎక్కువ కావచ్చు.
• ఘన ఆహారం వల్ల బిడ్డ రాత్రంతా ఎక్కువ నిద్రపోదు.

బిడ్డ ఘన ఆహారానికి సిద్ధమైందని ఎలా తెలుసుకోవాలి?

• ఆసరాతో నిటారుగా కూర్చోగలదు
• చెంచా రావడం చూసి నోరు తెరుస్తుంది
• చెంచా నుంచి ఆహారం తీసుకుని మింగుతుంది, బయటకు నెట్టదు
• నమిలినట్టు నోరు ఆడిస్తుంది
• మింగడం నేర్చుకునే కొద్దీ చొంగ తగ్గుతుంది
• పుట్టినప్పటి బరువుకు రెట్టింపు బరువు అయింది (సాధారణంగా 6 నెలలకు)
• వద్దనుకుంటే ఆహారాన్ని వద్దనగలదు

డా. చిత్రా శంకర్, డెవలప్‌మెంటల్ పీడియాట్రీషియన్