6 ತಿಂಗಳ ಮುಂಚೆ ಘನ ಆಹಾರ ಬೇಡ - ಆಹಾರ ಗೈಡ್

ಮಗುವಿನ ಆಹಾರ ಗೈಡ್

ಡಾಕ್ಟರ್ ಹೇಳದ ಹೊರತು, ಮಗುವಿಗೆ 6 ತಿಂಗಳಾಗುವವರೆಗೆ ಘನ ಆಹಾರ ಕೊಡಬೇಡಿ. ಕಾರಣಗಳು:

• ತಾಯಿಯ ಹಾಲು ಅಥವಾ ಫಾರ್ಮುಲಾ ಹಾಲು ಮಗು ಬೆಳೆಯಲು ಬೇಕಾದ ಎಲ್ಲ ಪೋಷಣೆ ಕೊಡುತ್ತದೆ.
• ನೀರು, ಟೀ, ಗ್ಲೂಕೋಸ್ ನೀರು ಅಥವಾ ಬೇರೆ ಏನಾದರೂ ಕುಡಿಸಿದರೆ ಮಗುವಿಗೆ ಸೋಂಕಿನ ಅಪಾಯ ಹೆಚ್ಚುತ್ತದೆ.
• ಬಿಸಿಲಿನಲ್ಲೂ ಮಗುವಿಗೆ ಬೇರೆ ನೀರು ಬೇಡ. ತಾಯಿಯ ಹಾಲಿನಿಂದಲೇ ಬೇಕಾದ ನೀರು ಸಿಗುತ್ತದೆ.
• ಚಮಚದಿಂದ ಘನ ಆಹಾರ ತಿನ್ನಲು ಮಗುವಿನ ದೇಹ ಇನ್ನೂ ತಯಾರಾಗಿಲ್ಲ.
• ತುಂಬಾ ಬೇಗ ಘನ ಆಹಾರ ಕೊಟ್ಟರೆ ಆಹಾರ ಅಲರ್ಜಿಯ ಅಪಾಯ ಹೆಚ್ಚುತ್ತದೆ.
• ತುಂಬಾ ಬೇಗ ಘನ ಆಹಾರ ಕೊಟ್ಟರೆ ಮಗು ಹೆಚ್ಚು ತಿಂದು ತೂಕ ಹೆಚ್ಚಾಗಬಹುದು.
• ಘನ ಆಹಾರ ಕೊಟ್ಟರೆ ಮಗು ರಾತ್ರಿಯಿಡೀ ಹೆಚ್ಚು ನಿದ್ದೆ ಮಾಡುವುದಿಲ್ಲ.

ಮಗು ಘನ ಆಹಾರಕ್ಕೆ ತಯಾರಾಗಿದೆ ಎಂದು ಹೇಗೆ ತಿಳಿಯುವುದು?

• ಆಧಾರ ಕೊಟ್ಟರೆ ನೇರವಾಗಿ ಕುಳಿತುಕೊಳ್ಳುತ್ತದೆ
• ಚಮಚ ಬರುವುದನ್ನು ನೋಡಿ ಬಾಯಿ ತೆರೆಯುತ್ತದೆ
• ಚಮಚದಿಂದ ಆಹಾರ ತೆಗೆದು ನುಂಗುತ್ತದೆ, ಹೊರಗೆ ತಳ್ಳುವುದಿಲ್ಲ
• ಅಗಿಯುವಂತೆ ಬಾಯಿ ಆಡಿಸುತ್ತದೆ
• ನುಂಗಲು ಕಲಿತಂತೆ ಜೊಲ್ಲು ಕಡಿಮೆಯಾಗುತ್ತದೆ
• ಹುಟ್ಟಿದಾಗಿನ ತೂಕದ ಎರಡರಷ್ಟು ತೂಕ ಆಗಿದೆ (ಸಾಮಾನ್ಯವಾಗಿ 6 ತಿಂಗಳ ಹೊತ್ತಿಗೆ)
• ಬೇಡವಾದರೆ ಆಹಾರ ಬೇಡ ಎನ್ನಬಲ್ಲದು

ಡಾ. ಚಿತ್ರಾ ಶಂಕರ್, ಡೆವಲಪ್‌ಮೆಂಟಲ್ ಪೀಡಿಯಾಟ್ರಿಷಿಯನ್