ಘನ ಆಹಾರ ಶುರು ಮಾಡುವುದು - ಊಟ ಮಾಡಿಸುವ ಮಾರ್ಗದರ್ಶಿ

ಘನ ಆಹಾರ ಶುರು ಮಾಡುವುದು:

ನನ್ನ ಹಿಂದಿನ ಲೇಖನದಲ್ಲಿ (6 ತಿಂಗಳ ಮೊದಲು ಘನ ಆಹಾರ ಬೇಡ) ಹೇಳಿದಂತೆ, ಘನ ಆಹಾರ 6 ತಿಂಗಳ ವಯಸ್ಸಿನ ನಂತರ ಶುರು ಮಾಡುವುದು ಸರಿ. ಘನ ಆಹಾರ ಶುರು ಮಾಡುವ ಬಗ್ಗೆ ಕುಟುಂಬಗಳು ನನ್ನನ್ನು ಕೇಳುವ ಸಾಮಾನ್ಯ ಪ್ರಶ್ನೆಗಳಿಗೆ ಇಲ್ಲಿ ಉತ್ತರ ಕೊಡಲು ಪ್ರಯತ್ನಿಸಿದ್ದೇನೆ.

ಯಾವುದರಿಂದ ಶುರು ಮಾಡಬೇಕು, ಎಷ್ಟು ಕೊಡಬೇಕು?

• ಅಕ್ಕಿ ಗಂಜಿ (ರೈಸ್ ಸೀರಿಯಲ್) ಮೊದಲಿಗೆ ಒಳ್ಳೆಯ ಆಯ್ಕೆ. ಸುಲಭವಾಗಿ ಜೀರ್ಣವಾಗುತ್ತದೆ, ತುಂಬಾ ಕಡಿಮೆ ಜನರಿಗೆ ಇದರಿಂದ ಅಲರ್ಜಿ.
• 1-2 ಸಣ್ಣ ಚಮಚ ಸೀರಿಯಲ್ ಅನ್ನು ನೀರು, ಎದೆಹಾಲು ಅಥವಾ ಫಾರ್ಮುಲಾದಲ್ಲಿ ಬೆರೆಸಿ ಶುರು ಮಾಡಿ.
• ಮಗು ಹೊಂದಿಕೊಂಡ ಮೇಲೆ ಮಿಶ್ರಣವನ್ನು ಸ್ವಲ್ಪ ಗಟ್ಟಿ ಮಾಡಿ ದಿನಕ್ಕೆ 2-3 ಬಾರಿ ಕೊಡಲು ಶುರು ಮಾಡಿ.
• ಸೀರಿಯಲ್ ಅನ್ನು ಬಾಟಲಿಯಲ್ಲಿ ಕುಡಿಸಲು ಮನಸ್ಸಾದರೂ ಮಾಡಬೇಡಿ. ಮಗುವನ್ನು ನೇರವಾಗಿ ಕೂರಿಸಿ, ದಿನಕ್ಕೆ ಒಂದೆರಡು ಬಾರಿ ಸಣ್ಣ ಚಮಚದಿಂದ ಕೊಡಿ.
• ಒಮ್ಮೆಗೆ ಒಂದೇ ವಸ್ತುವಿನ ಆಹಾರ ಕೊಡಿ.
• ನಿಧಾನವಾಗಿ ಹಿಸುಕಿದ ಹಣ್ಣು, ತರಕಾರಿ ಮತ್ತು ಹೊಸ ಆಹಾರಗಳನ್ನು ಒಂದೊಂದಾಗಿ ಶುರು ಮಾಡಿ.
• ಹೊಸ ಆಹಾರ ಶುರು ಮಾಡುವ ಮೊದಲು 3-5 ದಿನ ಕಾಯಿರಿ. ಇದರಿಂದ ಮಗು ಪ್ರತಿ ಹೊಸ ಆಹಾರಕ್ಕೆ ಹೊಂದಿಕೊಳ್ಳುತ್ತದೆ, ಪ್ರತಿಕ್ರಿಯೆ ಬಂದರೆ ಯಾವ ಆಹಾರದಿಂದ ಎಂದು ತಿಳಿಯುವುದು ಸುಲಭ.
• ಅಲರ್ಜಿಯ ಸೂಚನೆಗಳನ್ನು ಗಮನಿಸಿ: ಚರ್ಮದ ಮೇಲೆ ಗುಳ್ಳೆ, ಉಸಿರಿನಲ್ಲಿ ಸೀಟಿ ಸದ್ದು, ಭೇದಿ, ವಾಂತಿ, ಹೊಟ್ಟೆ ನೋವು.

ಯಾವುದನ್ನಾದರೂ ತಪ್ಪಿಸಬೇಕೇ?

ಕೆಲವು ಆಹಾರಗಳನ್ನು ಮಗುವಿಗೆ ಒಂದು ವರ್ಷದವರೆಗೆ ಕೊಡಬಾರದು. ಹಸುವಿನ ಹಾಲು, ಮೊಟ್ಟೆ, ಶೆಲ್‌ಫಿಶ್ (ಸೀಗಡಿಯಂತಹವು), ಬೀಜಗಳನ್ನು ಕೊಡಬಾರದು, ಅಲರ್ಜಿ ಆಗಬಹುದು. ಜೇನುತುಪ್ಪ ಕೊಡಬಾರದು, ಅದರಿಂದ ಕರುಳಿನಲ್ಲಿ ಕ್ರಿಮಿಗಳು ಬೆಳೆದು ಬೊಟುಲಿಸಮ್ ಎಂಬ ಗಂಭೀರ ಕಾಯಿಲೆ ಬರಬಹುದು.

ಆರನೇ ತಿಂಗಳಿಂದ

• ತಾಜಾ, ನೀರು ಬೆರೆಸಿದ ಹಣ್ಣಿನ ರಸ ಶುರು ಮಾಡಿ
• ಸೋಸಿದ ತಿಳಿ ತರಕಾರಿ ಸೂಪ್
• ಬೇಯಿಸಿ ಹಿಸುಕಿದ ಕ್ಯಾರೆಟ್/ಆಲೂಗಡ್ಡೆ
• ಹಿಸುಕಿದ ಬಾಳೆಹಣ್ಣು
• ಬೇಯಿಸಿದ ಸೇಬು
• ಧಾನ್ಯ-ಬೇಳೆಯ ಮಿಶ್ರಣ, ಬೇಯಿಸಿದ ಅಥವಾ ಹಬೆಯಲ್ಲಿ ಬೆಂದ ತರಕಾರಿಯ ಜೊತೆ
• ಈ ಸಮಯದಲ್ಲಿ ಹಲ್ಲು ಬರಲು ಶುರುವಾಗುತ್ತದೆ; ಕಚ್ಚಲು ಸುಟ್ಟ ಬ್ರೆಡ್, ಕ್ಯಾರೆಟ್ ಅಥವಾ ಚಪಾತಿ ತುಂಡು ಕೊಡಬಹುದು (ಯಾವಾಗಲೂ ಮಗು ಕೂತಿರಲಿ, ನೀವು ಹತ್ತಿರ ಇರಿ)

ಉದಾಹರಣೆ

• ಧಾನ್ಯ-ಬೇಳೆ ಮಿಶ್ರಣಗಳು:
• ಅಕ್ಕಿ/ಗೋಧಿ ಹಿಟ್ಟು/ರಾಗಿ/ರವೆ/ಮಂಡಕ್ಕಿ/ಗೋಧಿ ನುಚ್ಚು, ಕಡಲೆ ಬೇಳೆ/ಹೆಸರು ಬೇಳೆಯ ಜೊತೆ
• ಬೇಯಿಸಿದ ಅಥವಾ ಹಬೆಯಲ್ಲಿ ಬೆಂದ ಸೊಪ್ಪು, ಕ್ಯಾರೆಟ್, ಬಟಾಣಿ ಮತ್ತು ಬೀನ್ಸ್, ಸೋರೆಕಾಯಿಯಂತಹ ತರಕಾರಿ, ಆಲೂಗಡ್ಡೆ ಇತ್ಯಾದಿ
• ಪೂರ್ತಿ ಬೇಯಿಸಿದ ಮೊಟ್ಟೆಯ ಹಳದಿ ಭಾಗ

ಒಂಬತ್ತರಿಂದ ಹನ್ನೊಂದು ತಿಂಗಳು

ಪೌಷ್ಟಿಕ ಧಾನ್ಯ-ಬೇಳೆಯ ಊಟ ಶುರು ಮಾಡಬಹುದು, ನಿಧಾನವಾಗಿ ಬೇರೆ ಆಹಾರ ಸೇರಿಸಿ.

• ಕಿಚಡಿ
• ಅನ್ನ/ಚಪಾತಿ, ಬೇಳೆ, ತರಕಾರಿ ಮತ್ತು ಮೊಸರಿನ ಜೊತೆ
• ಬ್ರೆಡ್/ಇಡ್ಲಿ, ಪನೀರ್, ಮೊಟ್ಟೆ, ಚಿಕನ್ ಜೊತೆ
• ಹಣ್ಣಿನ ರಸ (ನೀರು ಬೆರೆಸದೆ)

ಹನ್ನೆರಡರಿಂದ ಹದಿನಾರು ತಿಂಗಳು

• ಈಗ ಮಗು ಕುಟುಂಬಕ್ಕೆ ಮಾಡಿದ ಊಟವನ್ನೇ ತಿನ್ನಬಹುದು, ಮಸಾಲೆ ಮತ್ತು ಹೆಚ್ಚು ಎಣ್ಣೆ ಇಲ್ಲದೆ. ಊಟವನ್ನು ಇನ್ನೂ ಸ್ವಲ್ಪ ಮೆತ್ತಗೆ ಮಾಡಬೇಕಾಗಬಹುದು.

ಬೇರೆ ಬೇರೆ ಪೋಷಕಾಂಶ ಇರುವ ಆಹಾರಗಳ ಪಟ್ಟಿ ಕೆಳಗಿದೆ. ಮಗುವಿನ ವಯಸ್ಸಿಗೆ ತಕ್ಕಂತೆ ಆರಿಸಿ.

• ಹಾಲು ಮತ್ತು ಹಾಲಿನ ಉತ್ಪನ್ನಗಳು: ಮೊಸರು, ಚೀಸ್ (ಸ್ವಲ್ಪ), ಪನೀರ್, ಐಸ್‌ಕ್ರೀಮ್
• ಮಾಂಸಾಹಾರ: ಮೊಟ್ಟೆ, ಮಾಂಸ, ಮೀನು ಮತ್ತು ಚಿಕನ್
• ಎಲ್ಲ ರೀತಿಯ ಬೇಳೆ ಮತ್ತು ಕಾಳುಗಳು: ರಾಜ್ಮಾ, ಕಡಲೆ, ಸೋಯಾಬೀನ್ ಇತ್ಯಾದಿ
• ಹೆಚ್ಚಾಗಿ ಶಕ್ತಿ ಕೊಡುವ ಆಹಾರ: ಬೆಣ್ಣೆ, ಮಾರ್ಜರಿನ್, ಜೇನು (ಒಂದು ವರ್ಷದ ನಂತರ ಮಾತ್ರ), ಜಾಮ್, ಸಕ್ಕರೆ, ಬೆಲ್ಲ, ಮಾರ್ಮಲೇಡ್, ಕೆನೆ
• ಮಗು ಜೀರ್ಣಿಸಿಕೊಳ್ಳುವಷ್ಟು ದೊಡ್ಡದಾಗಿದ್ದರೆ ಕೆಲವು ಕರಿದ ತಿಂಡಿ ಕೊಟ್ಟು ನೋಡಿ. ನೆನಪಿಡಿ, ಅವು ಉಪ್ಪಾಗಿರಬಾರದು.
• ಅನ್ನ, ಬೇಳೆ ಇತ್ಯಾದಿಗೆ ಬೆಣ್ಣೆ ಅಥವಾ ತುಪ್ಪ ಸೇರಿಸಿ
• ಪ್ರೋಟೀನ್‌ಗಾಗಿ ಅನ್ನ ಅಥವಾ ಪಲ್ಯಕ್ಕೆ ಪನೀರ್, ಕೀಮಾ ಅಥವಾ ಮೀನು ಸೇರಿಸಿ

ಮಗುವಿನ ಊಟದ ಸಮಯವನ್ನು ಖುಷಿಯಾಗಿಸಲು ಸಲಹೆಗಳು

• ಹೊಸ ಆಹಾರಗಳನ್ನು ಒಂದೊಂದಾಗಿ ಶುರು ಮಾಡಿ
• ಮಕ್ಕಳು ಖಾರಕ್ಕಿಂತ ಸಪ್ಪೆ ಆಹಾರವನ್ನು ಇಷ್ಟಪಡುತ್ತವೆ
• ಆಹಾರ ತುಂಬಾ ಬಿಸಿ ಅಥವಾ ತಣ್ಣಗಿರಬಾರದು
• ಮಗುವಿನ ಹೊಟ್ಟೆ ಚಿಕ್ಕದು, ಹಾಗಾಗಿ ಸ್ವಲ್ಪ ಸ್ವಲ್ಪ, ಆಗಾಗ ಕೊಡಿ
• ಮಗು ತಾನೇ ತಿನ್ನಲು ಪ್ರಯತ್ನಿಸಲು ಹುರಿದುಂಬಿಸಿ

Dr. Chitra Sankar, ಡೆವಲಪ್‌ಮೆಂಟಲ್ ಪೀಡಿಯಾಟ್ರಿಷಿಯನ್